දරුවන්ගේ තොරතුරු තාක්ෂණික දැනුම සහ නිර්මාණශීලිත්වය ප්‍රායෝගිකව භාවිතා කරමින් ලොවට එළිදක්වන කුරුවිට ජාතික පාසලේ වෙබ් අඩවිය දිනෙන් දින විශිෂ්ටත්වය කරා පිය නගන මාවතේ තවත් එක් සන්ධිස්ථානයකි. පාසලේ අභිමානය, දරුවන්ගේ හැකියාවන් සමගින් ඉදිරිපත් කිරීමට මේ ප්‍රයත්නය මහගු අත්වැලක් වේ යැයි විශ්වාස කරමි. තොරතුරු තාක්ෂණ විෂයෙහි වැදගත්කම ඉහල ගොස් ඇති අවධියක මෙවන් කාර්යයකට සම්බන්ධ වී⁣ම සිසුන්ට ද වටිනා අත්දැකීමක් වනු ඇත. පාසලේ තොරතුරු මේ අයුරින්  පාසල් ප්‍රජාව සමග බෙදා ගැනීම පාසලේ අධ්‍යාපන සහ භෞතික සංවර්ධනයට ද ශක්තියක් වනු නොඅනුමානය. අනාගතයේ දී දරුවන්ට තාක්ෂණය සමග ගැටෙමින් තම අධ්‍යාපන කටයුතු සිදුකිරීමට මෙය  අගනා පිටුවහලක් වනු ඇත. තාක්ෂණය සමග මුසුවුනු අපේ දරුවන්ගේ හැකියාවන් ඔප දමමින් මෙම කාර්යය වෙනුවෙන් කැපවුණු අ⁣පගේ ඇදුරුමඩුල්ලට ස්තුතිවන්ත වන අතර කුරුවිට ජාතික පාසලේ නාමය බැබලවීමට සියළු දරුවන්ට ශක්තිය ලැබේවා යි ප්‍රාර්ථනා  කරමි.

 නියෝජ්‍ය විදුහල්පති ( අධ්‍යාපන සංවර්ධන)
මේධානි විජේසිංහ මහත්මිය

ඵලදායි ලෙස මානව හා භෞතික සම්පත් ප්‍රයෝජනයට ගනිමින් ගුණාත්මක සංවර්ධනයක් කරා පියනගන කුරුවිට මධ්‍ය මහා විද්‍යාලය, සමස්ත ප්‍රජාව වෙත කාර්යක්ෂම ලෙස තොරතුරු සම්ප්‍රේෂණය කිරීම් සඳහා අප පාසල විසින් මේ නිර්මාණය කර ඇති මෙම වෙබ් අඩවිය මගින් සුවිශේෂී කාර්යභාරයක් ඉටු කිරීමට  හැකියාව ලැබී ඇත. පාසල ලබාගන්නා ජයග්‍රහණය මෙන්ම පාසල ළඟාකර ගන්නා සුවිශේෂී තත්ත්වයන් පිළිබඳව තොරතුරු මුළු මහත් විශ්වයට මුදා හැරීමට මෙය ඉතා හොඳ මාධ්‍යයක් ලෙස  ප්‍රයෝජනයට ගත් හැකි වේ.

 විදුහල්පතිතුමාගේ උපදෙස් මත තොරතුරු තාක්ෂණ අංශයේ ගුරුභවතුන්ගේ  මගපෙන්වීමෙන් තොරතුරු හා තාක්ෂණ විෂය හදාරනවා ශිෂ්‍ය ශිෂ්‍යයාවන්ගේ  හැකියාවන් යොදා යොදාගනිමින් නිර්මාණය වූ මෙම වෙබ් අඩවිය පාසල සඳහා ලැබුණු මහඟු  දායාදයකි. මේ සඳහා කැපවී කටයුතු කළ තොරතුරු හා තාක්ෂණ අංශයේ ගුරු මහත්ම මහත්මීන්ට, තොරතුරු තාක්ෂණ විෂය හදාරන ශිෂ්‍ය ශිෂ්‍යාවන්ටත්, ඔවුන් මෙම කාර්යය සඳහා මෙහෙය වූ නියෝජ්‍ය විදුහල්පති මහත්ම මහත්මීන්ට හා විදුහල්පතිතුමාට මාගේ ගෞරවනීය ස්තුතිය පුද කරමි.