විදුහල්පති පණිවිඩය

කුරුවිට ජාතික පාසලේ වෙබ් අඩවිය හරහා පාසලේ ගුණාත්මක අධ්‍යාපන සංවර්ධනයේ දී අප විසින් සිදුකරන සංවර්ධන ක්‍රියාදාමයන් පිළිබඳව ඉතා ඉක්මණින් හා නිවැරදිව ප්‍රජාවට දැනගැනීමට සැලැස්වීමට හැකි වන අතරම එමඟින් පාසල පිළිබඳව සහ පාසලේ අගයන් පිළිබඳව හොඳ වැටහීමක් ප්‍රජාව තුළ ඇති කිරීමට මෙම වෙබ් අඩවිය තිබෙන සුවිශේෂී කාර්යභාරයක් ඉටු කරාවි යැයි මම විශ්වාස කරමි.  මෙය තුළින් පාසලේ සත්‍ය තොරතුරු ගෝලීය ප්‍රජාවට හා  දෙස් විදෙස් ආදිශිෂ්‍ය දරු දැරියන්ට සියැසින්ම දැක බලා ගැනීමට අවස්ථාව හිමි වේ.

පාසලට අවශ්‍යතාවයක් පැවැති පාසලටම අනන්‍ය වූ වෙබ් අඩවියක් නිර්මාණය කිරීම. මාගේ උපදෙස් මත විද්‍යාලයේ තොරතුරු තාක්ෂණ ගුරුභවතුන් හා තොරතුරු තාක්ෂණය හදාරන ශිෂ්‍ය ශිෂ්‍යාවන්ගේ මැදිහත්වීමෙන් මෙම කාර්යය ඉටු වීම අගය කොට සලකන අතර ඒ සඳහා ගුරුභවතුන් මෙහෙයවූ නියෝජ්‍ය විදුහල්පති චතුරි රණසිංහ මිය, නියෝජ්‍ය විදුහල්පති මයා රුවන් සේනාධීර ඇතුළු සියලු දෙනාට මාගේ ගෞරවනීය ස්තූතිය පුද කරමි.